Туркияда содир бўлган зилзила қурбонлари сони 114 кишига етди. Бу ҳақда мамлакат Фавқулодда вазиятлар ва табиий офатлар бўйича давлат агентлигига таяниб, «РБК» хабар берди.
«114 нафар фуқаромиз ҳалок бўлди. 1035 нафар жароҳат олганларнинг 898 нафарига шифохонадан жавоб берилган, 137 фуқаро ҳамон даволанишда», — дейилади хабарда.
Табиий офат оқибатида Измирдаги 17 та бино вайрон бўлган. Қутқарув тадбирларида қутқарув хизматларининг жами 7889 нафар ходими иштирок этган.
Anadolu’нинг ёзишича, зилзила оқибатида вайрон бўлган Измирдаги турар жой бинолари ҳудудида қидирув-қутқарув ишлари якунланган.
«Қидирув-қутқарув жамоаси ишларини якунлади. Одамларни қутқаришга ўз ҳиссасини қўшган ҳар бир қутқарувчи ва волонтёрга миннатдорчилик билдиришни истардим», — деб ёзади Туркия ҳукумати ҳузуридаги табиий офатлар оқибатини бартараф этиш бошқармаси раҳбари Меҳмет Гуллуўғли ўзининг Twitter’даги саҳифасига.
Мавзуга доир:
Эслатиб ўтамиз, зилзила 30 октябрь куни тушдан кейин Туркиянинг ғарбий қисмида содир бўлган, унинг кучи 6,6 баллни ташкил этганди. Зилзила эпимаркази Эгей денгизида, Измир вилоятининг Сефериҳисар шаҳри яқинида бўлган.
Изоҳ (0)