Фото: Таниқли миллиардерларнинг рафиқалари (фото)

Улар миллиардлаб долларга эга оилаларга умуман ўхшамайди. Лекин йиллар давомида ҳаёт қийинчиликларини биргаликда енгиб ўтган бахтли жуфтликдир.

Марк Цукерберг ва Присцилла Чан

Присцилла Чан келажакда Facebook ижтимоий тармоғининг яратувчиси – Марк Цукерберг билан Гарвардда ўқиб юрган кезларида танишган. Орадан йиллар ўтиб, жуфтлик турмуш қурди, лекин бир қанча муддат фарзандли бўла олмади. Сабаби Присцилла бир неча маротаба фарзандини йўқотди. Аммо 2015 йил улар узоқ кутилган фарзанд – Макс дунёга келди. 2017 йил уларнинг оиласида яна бир чақалоқ туғилди. Шундан сўнг Марк Цукерберг ва Присцилла Facebook’нинг 99 фоиз акциясини умри давомида хайрия ишларига сарфлашга ваъда берди. Даромаднинг ҳозирги қийматидан келиб чиқиб, хайрия ажратилган пул тахминан 45 миллиард долларни ташкил этади.

Билл ва Мелинда Гейтс

Билл узоқ йиллар мобайнида ишлаб юрган Microsoft компаниясида бўлиб ўтган брифингда Мелиндани учратган. 1994 йил 1 январь куни 30 ёшли Мелинда ва 39 яшар Билл турмуш қурган. Улар турмуши давомида уч фарзандни вояга етказди. Шунингдек, соғлиқни сақлаш, таълимни яхшилаш ва қашшоқликни камайтиришга қаратилган хайрия фондига асос солди. Microsoft асосчиси ўзининг 77 миллиард долларини фонд фойдасига мерос қолдиришга қарор қилган.

Ларри Пейж ва Люсинда Саутворт

Бойлиги 71,9 миллиард долларни ташкил қилувчи Google асосчиларидан бири Ларри Стенфорд университети профессори Люси Саутворт билан 15 йил давомида турмуш қуриб келмоқда. Уларнинг икки нафар фарзанди бор.

Алишер Усмонов ва Ирина Винер-Усмонова

Россия бадиий гимнастика федерациясининг президенти Ирина Винер турмуш ўртоғи билан у гимнастика бўйича шуғулланувчи Тошкент спорт саройида учрашган. Кейинчалик ёшлар Москвада ҳам кўришган. Бўлажак миллиардер 1980 йилда «пахта иши» бўйича 8 йилга ҳибсга олинган. (2000 йилда Ўзбекистон Олий суди уни айбсиз деб топган) Шундан сўнг Усмонов Иринага урф-одатга кўра рўмол юборади, бу эса оила қуриш таклифини англатар эди. 1992 йил жуфтлик турмуш қурди, (Ўша пайтда Ирина бошқаси билан турмушидан ажрашиб, Антон исмли ўғлини тарбиялаётган эди). Жуфтлик шундан бери бахтли ҳаёт кечирмоқда.