Машҳурлар совғалар олишни яхши кўриши сир эмас. Лекин ҳамма ҳам севимли хонандаси томонидан сийланиш бахтига муяссар бўлавермайди.
Тэйлор Свифт — университет харажати
Виктория Марио университетда математика йўналиши бўйича таҳсил олишни истаган, аммо оиласидаги иқтисодий муаммолар сабаб тўлов қила олмаган. Шундан кейин қиз ижтимоий тармоқ орқали бефарқ бўлмаган инсонлардан ёрдам сўраган. Қиз мавжуд сумманинг учдан бир қисмини йиғишга муваффақ бўлган.
Сўнгги дақиқаларда Тайлор Свифт қизнинг мурожаати билан танишган ва унинг ўқиши учун керакли харажатга етадиган сумма — 30 минг доллар хайрия қилган. Марио орзуси армон бўлиб қолмаслигига катта ҳисса қўшган хонандага миннатдорчилик билдирган. Бу Свифтнинг биринчи ва охирги қилган хайрияси эмас, юлдуз нотаниш одамларга бир неча марта ёрдам кўрсатган. Уйсиз мухлисига уй олиб берган ва вақти-вақти билан қийин вазиятларга тушиб қолган одамларга молиявий ёрдам кўрсатиб туради.
Кайли Женнер — Louis Vuitton’дан эркаклар сумкаси
Сайёранинг энг ёш миллиардер аёли Кайли мухлисларидан бирини бееътибор қолдирмаган. Жонни Сайрус исмли йигит унга кўп йилдан буён мухлислик қилиб келган: у борадиган тадбирларга ташриф буюрган, ишлаб чиқарадиган ва реклама қиладиган маҳсулотларини харид қилган ва ҳаттоки танасига модель суратини татуировка қилиб туширган.
Бундан боши осмонга етган Кайли Louis Vuitton брендидан 2 минг долларлик сумкани унга совға қилган. Сайрус қўлга киритган сумка фотоси билан Instagram’да улашиб, модель ҳақида илиқ фикрлар билдирган.
Ариaна Гранде — рождество пайпоғи ичига солинган турли совғалар
2020 йилдаги концертида санта-клаус образида бўлишни истаган хонанда залдаги томошабинларга рождество пайпоғи улашган. Концерт тугаганидан кейин мухлислар Twitter саҳифасига пайпоқ ичида совға бор эканини ёзиб, суратларини бўлишган. Унда турли Starbucks сертификатлари, 100 доллар пули бор Visa карта ва ҳатто Tiffany тақинчоқлари бўлган.
Моргенштерн — қимматбаҳо машина
Бугунги кунда машҳурлар Instagram орқали Giveaway (одатда ижтимоий тармоқларда обуна ёки бошқа ҳаракат учун эълон қилиш урфга кирган танлов) ташкил қилиб мухлисларига қиммат машина, уй, техника ҳамда бошқа совринлар беради. Россиялик таниқли рэпер ва бастакор Алишер Моргенштерн ҳам кузда шундай танлов ўтказди ва унда Mercedes машинаси соврин бўлди. Мазкур машина Моргенштерннинг «Мерин» қўшиғи клипидан кейин машҳур бўлган. Қўшиқ 80 миллион марта томоша қилинган.
Жастин Бибер — ҳайвон
Хонанда ўзининг Twitter’да алоҳида саҳифаси бор бўлган, гастрол сафарларига ўзи билан бирга олиб юришни режалаштирган кемирувчи ҳайвон — оғмахонни 2013 йилда бир мухлисига совға қилиб юборган.
Концертлардан биридан кейинги фотосессия вақтида у мухлисига севимли ҳайвонини бериб юборган ва унга яхшилаб қарашини илтимос қилган.
Канье Уэст — қиммат куртка
Нью-Йоркдаги мода ҳафталиги доирасида Ralph Lauren брендининг юбилейига қиммат курткада ташриф буюрган рэпер мухлисининг оддий устки кийимини ёқтириб қолган ва уни ўзининг Prada курткаси билан алмашишни таклиф қилган ва ўзининг мазкур танловидан мамнун бўлган.
Леди Гага — йигитининг курткаси
Малибудаги ресторанлардан биридан йигити билан чиқаётганида уларнинг ёнига бир қиз боргани папарация нишонидан четда қолмаган. Қисқа суҳбатдан кейин хонанда эгнидаги йигитининг курткасини ечиб, мухлисига берган. Қиз нимани айтишидан қатъий назар, севимли қўшиқчи томонидан бундай олийжанобликдан кейин мамнун бўлгани аниқ.
Изоҳ (0)