Yaqinda Z71 ekstremal modifikatsiyaga ega bo‘lgan to‘liq o‘lchamli Chevrolet Suburban yo‘ltanlamasining navbatdagi versiyasi kuchaytirilgan romga ega “og‘ir” HD’ga ega bo‘ladi, deb xabar beradi Motor.
Chevrolet o‘zining yo‘ltanlamasida muntazam og‘ir tirkamalar tortishga va yuklarni tashishga o‘rgangan mijozlari uchun hozirgi avlod Suburban’ning “og‘ir” variantini yaratishni rejalashtirmoqda. GM Authority’ning yozishicha, bu haqda General Motors’ning global mahsulotlari bo‘yicha vitse-prezidenti Tim Xerrik ma’lum qilgan. Konsern an’anasiga ko‘ra, bu kabi yo‘ltanlamas HD belgisiga ega bo‘ladi. U Silverado va Heady Duty pikaplaridan kuchaytirilgan romi va modernizatsiya qilingan “podveska”si, yuk ko‘tarish va tortish qobiliyati bilan ajralib turadi.
Bundan tashqari, “og‘ir” Suburban HD yangi dvigatelga ham ega bo‘lishi kerak. Oldingi avlod yo‘ltanlamasiga 365 ot kuchiga ega 6,0 litrli V8 benzin dvigateli o‘rnatilgan. Yangi modelning motori esa Silverado HD pikapiniki kabi bo‘ladi: 451 ot kuchiga ega 6,6 litrli V8 Duramax. Yana bir variantga ko‘ra, mashinaga 406 ot kuchiga ega 6,6 litrli V8 benzin dvigateli o‘rnatilishi ham mumkin. “Og‘ir” Suburban HD taqdimoti 2021-yilda o‘tkazilishi kerak.
Avvalroq yaponiyaliklar yangi Toyota RAV4 va eski Chevrolet Tahoe’ni “chatishtirgani” to‘g‘risida xabar berilgandi.
Izoh (0)