Хорватиянинг Rimac компанияси C_Тwо электрогиперкарларининг краш-тести давомида ҳар бири 2,1 миллион доллар турадиган прототиплар пачоқ қилингани тасвирланган ролик билан бўлишди, деб хабар беради Motor.
Муҳандислар реал тестлардан ташқари, виртуал тестларни ҳам ўтказиб, карбондан тайёрланган монокок мустаҳкамлигини текширди. Шундан сўнг, хорватлар икки эшикли гиперкарни тўлақонли синовдан ўтказишга киришган.
Биринчи тест давомида машина соатига 40 километр тезликда 40 фоиз қоплама билан тўсиққа олди билан урилган. Муҳандислар Rimac’нинг олинган натижаларидан қониққан, бироқ бу каби тезликдаёқ зарба «етарли даражада вайронкор» эканлигини тан олган.
Иккинчи C_Тwо мураккаброқ синовдан ўтди: у ҳам худди ўша тўсиққа бориб урилган, бироқ соатига 56 километр тезликда. Ушбу тест натижасидан ҳам муҳандислар қониқиш ҳосил қилган. Жиддий деформацияга қарамай, кузовнинг олд қисми юришга муваффақ бўлган, йўловчиларга етадиган хавф даражаси эса минимал бўлган — манекенлардаги датчиклар ортиқча юкламани қайд этмаган. Асосий хавф жойидан ажралиб, ҳайдовчи оёғига шикаст етказиши мумкин бўлган тепкилардан бўлган, бироқ улар ҳам шикастсиз қолган.
Rimac C_Тwо гиперкари ҳар бир ғилдиракка уланган тўртта электродвигатель ёрдамида ҳаракатга келади. Улар биргаликда 1914 от кучини тақдим этишга қодир. Бу эса соатига 100 километр тезликка 1,97 сонияда эришиш имконини беради. Моторлар сиғими 120 киловатт-соатга тенг аккумулятор блокларидан қувватланади. Гиперкар бир марта қувватланиш орқали 650 километр йўл босишга қодир.
Эслатиб ўтамиз, шу йилнинг июль ойида эски Fiat ва янги BMW краш-тести машиналарнинг хавфсизлик тизими қанчалик эволюцияга учраганини кўрсатиб берган эди.
Изоҳ (0)