«Аякс»нинг бир йўла 11 футболчисида Чемпионлар Лигаси 3-тури олдидан коронавирус аниқланди.
«Аякс» ҳозирча ушбу маълумотларни тасдиқламади, бироқ жамоа «Мидтюлланн»га қарши ўйинга 17 футболчи билан кетаётганини маълум қилган. Кенгайтирилган таркибдан бор-йўғи бир нафар дарвозабон ўрин олган — 20 ёшли Кьелл Схерпен, у асосий жамоада ҳали бирорта ҳам ўйин ўтказмаган.
Хабарларга кўра, дарвозабонлар Андре Онана ва Мартен Стекеленбургдан ташқари «Аякс»нинг қуйидаги номдор футболчилари ўйинда иштирок эта олмайди: Дави Классен, Райан Гравенберҳ ва Душан Тадич.
«Мидтюлланн» — «Аякс» учрашуви Тошкент вақти билан 3 ноябрдан 4 ноябрга ўтар кечаси 01:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)