Футбол бўйича Coca-Cola Суперлига 22-турида «Бунёдкор» 2 ноябрь, душанба куни «Бухоро»ни қабул қилди.
Учрашувнинг биринчи дақиқасидаёқ майдон эгалари Шаҳбоз Эркиновнинг голидан кейин олдинга ўтиб олди. Ўйиннинг қолган қисми ҳам Вадим Абрамов жамоасининг назорати остида ўтаётганди. Бироқ меҳмонларнинг сўнгги дақиқалардаги босими ўз самарасини берди.
Иззатилла Абдуллаев ҳакам томонидан қўшиб берилган вақтда ҳисобни тенглаштиришга муваффақ бўлди.
«Бунёдкор» 33 очко билан 5-ўринда бормоқда. «Бухоро» (12) сўнгги поғонадан жой олган.
«Қалдирғочлар» кейинги турда «Металлург» билан куч синашса, бухороликлар «Қизилқум» билан ўйнайди
Coca-Cola Суперлига
22-тур баҳси
2 ноябрь, душанба
«Бунёдкор» — «Бухоро» 1:1
Голлар: 1:0 – 1 Эркинов, 1:1 – 90+2 Абдуллаев.«Бунёдкор»: Абдумавлон Абдужалилов, Ислом Қобилов, Иброҳимҳалил Йўлдошев (Улуғбек Абдуллаев, 46), Хуршид Ғиёсов, Расул Йўлдошев, Лутфулла Тўраев, Нурилло Тўхтасинов, Абдулла Абдуллаев, Иброҳим Ибрагимов (Санжар Қодирқулов, 46), Муҳаммадодил Қаҳрамонов (Дилшод Аҳмадалиев, 46), Шаҳбоз Эркинов.
«Бухоро»: Сардор Қобулжонов, Миржалол Жумаев, Бобур Аманов, Анвар Жўраев (Нуржаҳон Музаффаров, 28), Зоҳир Пиримов, Бекзод Сайидов, Аббос Жумақулов (Иззатилла Абдуллаев, 46), Жавоҳир Шодмонов (Аброр Ҳўсинов, 46), Файзулло Жуманқўзиев, Абдуғани Камолов, Муҳаммад Ғиёсов (Шаҳзод Бешимов, 59).
Огоҳлантиришлар: Камолов (39), Пиримов (60).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)