Ўзбекистонлик ҳужумчи Элдор Шомуродов «Ростов»дан «Женоа»га трансфер қилинди. Мазкур трансфер ортидан Элдорнинг собиқ жамоалари «Машъал» ва «Бунёдкор» қанча миқдорда пул ишлаб олгани ҳақида Профессионал футбол Лигаси (ПФЛ) бош директори вазифасини бажарувчи Диёр Имомхўжаев хабар қилди.
Имомхўжаевнинг Россия нашрларига таяниб хабар қилишича, «Женоа» Шомуродов трансфери учун 7,5 миллион евро тўлаган. Бунда ФИФА томонидан белгиланган бирдамлик механизмига кўра, футболчини тарбиялашда иштирок этган клублар мазкур миқдорнинг беш фоизига (375 минг евро) эга чиқади. Унда футболчининг 12 ёшдан 23 ёшгача бўлган даврида шуғулланган клубларига пул тўлаб берилади.
Элдор 2007 йилда 12 ёшга тўлган ва 2014 йилга қадар «Машъал»да тўп тепган. Демак, муборакликлар клуби умумий ҳисобда 225 минг еврога эга чиқади.
«Бунёдкор» 2015—2017 йиллардаги ҳолат учун «Женоа»дан 115,5 минг евро олади. «Ростов» эса 2017-2018 йиллар учун 37,5 минг еврони қўлга киритади.
Агар «Женоа» трансфер учун пулни бўлакларга бўлиб тўлайдиган бўлса, бунда бериладиган миқдор ўзгармайди, фақат унинг қай тартибда олиниши ўзгаради.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)