Тожикистонда коронавирусга чалинганлар сони 11 минг кишига яқинлашди, Қозоғистонда эса 111 минг кишидан ошди

Қозоғистонда коронавирус инфекциясига чалинганлар сони 111 953 кишига етди. Бу ҳақда мамлакат коронавирусга қарши кураш тезкор штаби хабар берди.

Маълумотларга кўра, мамлакатда ҳозирга қадар COVID-19 билан касалланганларнинг 106 310 нафари соғайган, 1848 киши вафот этган. Шунингдек, 1 августдан буён Қозоғистонда 37 746 кишида пневмония аниқланган бўлиб, уларнинг 401 нафари вафот этган. Мамлакатда ўтган бир сутканинг ўзида яна 461 кишида коронавирус аниқланган.

Коронавирусга чалиниш бўйича ҳолатлар қуйидаги ҳудудларда аниқланган:

• Олмаота шаҳри — 14 732;
• Нур-Султон шаҳри — 14 568;
• Атирау вилояти — 11 294;
• Қарағанда вилояти — 10 558;
• Шарқий Қозоғистон вилояти — 9798;
• Ғарбий Қозоғистон вилояти — 7013;
• Чимкент шаҳри — 5238;
• Олмаота вилояти — 5145;
• Жамбил вилояти — 4185;
• Шимолий Қозоғистон — 4438;
• Павлодар вилояти — 4244;
• Костанай вилояти — 3628;
• Ақмўла вилояти — 3723;
• Туркистон вилояти — 3418;
• Манғистов вилояти — 3398;
• Қизилўрда вилояти — 3262;
• Ақтўбе вилояти — 3311.

Аввалроқ Қозоғистон пойтахти Нур-Султонда аҳоли орасида COVID-19 касаллиги тарқалиши ортиб бораётганлиги туфайли 14 октябрдан бошлаб янги чеклов ва карантин чоралари жорий этилгани ҳақида хабар берилганди.Қирғизистонда 30 октябрь ҳолатига кўра коронавирусга чалинганлар сони 58 394 кишига етди. Бу ҳақда мамлакат Соғлиқни сақлаш вазирлигига таяниб, Kaktus-media хабар берди. Ўтган бир сутка ичида яна 596 кишида коронавирус тасдиқланган.

Ўтган бир сутка ичида коронавирусга чалиниш бўйича ҳолатлар қуйидаги ҳудудларда аниқланган:

• Бишкек — 136;
• Чуй вилояти — 89;
• Ўш вилояти — 64;
• Жалолобод вилояти — 91;
• Иссиқкўл вилояти — 35;
• Ўш шаҳри — 23;
• Боткен вилояти — 112;
• Норин вилояти — 7;
• Талас вилояти — 39.

Қирғизистонда ҳозирга қадар коронавирусга чалинган беморларнинг 49 522 нафари соғайган бўлса, 1142 киши COVID-19 қурбонига айланган. Айни вақтда 3359 бемор стационарларда даволанмоқда.Тожикистонда 30 октябрь ҳолатига кўра, коронавирус билан касалланганлар сони 10 977 кишига етди, деб хабар беради Central Asia.

Бу бутун дунё бўйича коронавирусга чалинганларнинг 0,02 фоизини ташкил этади.

Мамлакат Соғлиқни сақлаш вазирлигининг маълумотларига кўра, ҳозирга қадар Тожикистонда 82 киши COVID-19 қурбонига айланган, ўлим ҳолати — 0,75 фоиз. Ҳозирга қадар мамлакатда 10 182 киши соғайган (92,76 фоиз).

Афғонистон Соғлиқни сақлаш вазирлигининг 30 октябрдаги маълумотларига кўра, мамлакатда коронавирус инфекцияси билан касалланганлар сони 41 334 кишига етди, деб хабар беради Tolo News.

Ҳозирга қадар беморларнинг 34 258 нафари соғайган бўлса, 1533 киши вирус асоратлари оқибатида вафот этган.

Вазирлик маълумотларига кўра, бугунги кунга қадар давлат марказларида 122 182 марта коронавирусга тест олинган.

Ўзбекистонда 31 октябрь соат 10:00 ҳолатига кўра, коронавирус инфекцияси қайд этилганлар сони 66 801 нафарга етди. Бу ҳақда ССВ матбуот хизмати хабар берди.

Айни пайтда мамлакатда 63 978 нафар коронавирус инфекциясига чалинган фуқаролар (96 фоиз) соғайган. Ҳозирда Ўзбекистонда 2259 нафар беморга шифокорлар томонидан белгиланган стандартлар бўйича даво чоралари кўрилмоқда.