O‘zbekistonda 2020-yilning 1-yanvar holatiga ko‘ra faoliyat yuritayotgan shifoxonalar soni 1205 tani tashkil etgan. Bu haqda Davlat statistika qo‘mitasi ma’lum qildi.

Foto: “Daryo”

O‘zbekistonda nodavlat shifoxonalar soni esa 575 tani (jamiga nisbatan 47,7 foiz) tashkil etdi. 2018-yilga nisbatan shifoxonalar soni 40 taga (2019-yilga nisbatan 3,4 foizga) ko‘paygan.

Shifoxonalardagi o‘rinlar soni 153,4 mingtani tashkil etib, shundan nodavlat shifoxonalardagi o‘rinlar soni 18,7 mingtani (jamiga nisbatan 12,2 foiz) tashkil etadi.

Aholining shifoxona o‘rinlari bilan ta’minlanganligi bo‘yicha tahlillarga ko‘ra, har 10 000 aholiga nisbatan shifoxona o‘rinlari soni 45,2 tani tashkil etadi.

Avvalroq Farg‘onada 10 milliard so‘mga qurilgan bolalar shifoxonasi foydalanishga topshirilgan edi.