Америкалик UFC жангчиси Тони Фергюсон енгил вазн тоифасида UFC чемпиони Ҳабиб Нурмагомедовнинг вазн тоифасидан қатъи назар промоушеннинг энг кучли жангчилари рейтингида биринчи ўринга кўтарилганига ўз муносабатини билдирди ва ундан кучли бўлган жангчилар номини айтди.
У жангларининг ярмини Европада ўтказган ва бу асосан, икки раундли жанглар эди. У ҳеч қачон мен билан жанг қилмаган. Агар сиз мен билан ҳеч қачон жанг қилмаган бўлсангиз, қандай қилиб сизни биринчи рақамли деб ҳисоблаш мумкин?Шунингдек, Фергюсон Нурмагомедов у билан жанг қилишдан «қочиб кетганини» қўшимча қилди.Жон Жонс, Андерсон Сильва, Жорж Сен-Пьер, Мэтт Хьюз — бу йигитларнинг ҳаммаси Ҳабибдан анча кучли. Улар соврин учун неча марта жанг қилган, нега уларни унутдингиз?
Тони Фергюсон, UFC жангчиси
Эслатиб ўтамиз, Ҳабиб ва Тони ўртасидаги жанг турли сабабларга кўра беш марта бекор қилинган. Уларнинг сўнгиси 2020 йилнинг апрелига тўғри келганди. Кейинчалик Фергюсон Ҳабибнинг ўрнини эгаллаган Жастин Гэтжига қарши жангда мағлуб бўлди ва енгил вазн тоифаси вақтинча чемпионлик камарини бой берди.
Изоҳ (0)