Мадриднинг «Реал» клуби ҳужумчиси Карим Бензема Чемпионлар Лигаси гуруҳ босқичи 2-туридан ўрин олган Мюнхенгладбахнинг «Боруссия»сига қарши ўйинда (2:2) ўз номига гол ёздириб қўйди.
Шу тариқа франциялик футболчи Чемпионлар Лигасининг кетма-кет 16 мавсумида гол урган иккинчи футболчига айланди. Унгача ушбу натижага «Барселона» ҳужумчиси Лионель Месси эришган эди.
«Манчестер Юнайтед» собиқ ярим ҳимоячиси Райан Гиггз ҳам Чемпионлар Лигасининг 16 мавсумида гол уришга эришган, бироқ у Месси ва Бензема сингари кетма-кет эмас, балки бутун фаолияти давомида бундай натижани қайд этган.
Маълумот учун, Бензема Испания чемпионатининг 2020/21 йилги мавсумида 6 учрашувида майдонга тушиб, 1 та гол ва 2 та голли узатмага муаллифлик қилди.
Мавзуга доир:
- Левандовскидан Вардигача. Дунёнинг айни дамдаги энг яхши марказий ҳужумчилари рейтинги эълон қилинди
- Карим Бензема футболчилик фаолиятини якунлагач қайси спорт билан шуғулланишини айтди
- Карим Бензема футболга муҳаббат қўйишига ким сабабчи бўлганини айтди
- Криштиану Роналдунинг голларига энг кўп ассистентлик қилган футболчи маълум бўлди
Изоҳ (0)