Халқаро футбол федерациялари (ФИФА) президенти Жанни Инфантино коронавирусга чалинди. Бу ҳақда ташкилот расмий сайти хабар бермоқда.
Инфантино топширган тест натижаси ижобий натижа берган. Қайд этилишича, ҳозирда ФИФА раҳбари касалликнинг енгил аломатларини бошдан кечирмоқда. Эндиликда у камида 10 кун давомида карантинда бўлади ва шундан кейин қайта синовдан ўтказилади. Сўнгги бир неча кун ичида Инфантино билан алоқада бўлган одамлар бу тўғрисида хабардор қилинган.
Эслатиб ўтамиз, Инфантино 2016 йилдан ФИФАни бошқариб келмоқда.
Қайд этиш жоиз, бир қатор футбол олами юлдузлари, хусусан, Пауло Дибала, Хави, Златан Ибрагимович коронавирусга чалиниб, ундан фориғ бўлишга ва аллақачон одатий ҳаётга қайтишга улгурган бўлса, Роналдиньо ва Криштиану Роналду ҳозирда даволаниш жараёнини бошдан кечирмоқда.
Изоҳ (0)