Ўзбекистон сентябрь ойида хориждан 9 та электромобил сотиб олган. Бу ҳақда Давлат статистика қўмитаси маълум қилди.
Қайд этилишича, Ўзбекистонга 2020 йилнинг 9 ойида хориждан 82 та электромобил импорт қилинган. Бу кўрсаткич ўтган йилнинг шу даври билан солиштирилганда 59 тага кўп.
Бу йил Хитойдан – 52 та, Жанубий Кореядан – 12 та ҳамда Германия, Бирлашган Араб Амирликлари, Россия ва Грузия каби давлатлардан 17 та электромобил импорт қилинган.
Маълумот ўрнида, 2020 йилда импорт қилинган электромобиллар учун 2,1 миллион АҚШ доллари сарфланган.
Аввалроқ Ўзбекистонга қанча ҳажмда мебель, ёғоч ва ёғоч маҳсулотлари, мобил телефонлар ва телевизор импорт қилингани хабар қилинганди.
Изоҳ (0)