O‘zbekistonga 2020-yilning 1-sentabr holatiga ko‘ra, qiymati 23,3 million AQSh dollariga teng bo‘lgan 360,4 ming dona mobil telefonlari import qilingan, deya xabar bermoqda Davlat statistika qo‘mitasi.
Foto: “Yandeks Dzen”
Ma’lum qilinishicha, 2019-yilning mos davriga nisbatan bu yil mobil telefon importiga 19,6 million AQSh dollari ko‘p sarflangan.
Davlat statistika qo‘mitasi ma’lumotlariga ko‘ra, O‘zbekiston 18 ta davlatdan mobil telefonlar import qilgan. Import hajmi yuqori bo‘lgan davlatlar orasida Xitoy (14,9), Vyetnam (3,7), Hindiston (2,8) va 1,1 million AQSh dollari bilan Birlashgan Arab Amirliklarini ko‘rish mumkin.
Ma’lumot uchun, mamlakatda 2019-yilda 235 ming dona qiymati 31,7 milliard so‘mlik uyali va boshqa simsiz aloqa tarmog‘i uchun telefonlar ishlab chiqarilgan.
Mavzuga doir:
- O‘zbekistonda sement va oyna monopol mahsulot turi qatoridan chiqariladi
- O‘zbekistonda import qilinayotgan tayyor elektrotexnika mahsulotlariga utilizatsiya yig‘imi joriy etiladi
- O‘zbekiston 2020-yilning avgust oyiga qadar 52,5 tonna atir import qildi. Bu ko‘rsatkich o‘tgan yilga nisbatan 15,8 tonnaga kam
