Англиянинг Роял Танбриж Уэллс шаҳрида яшовчи қиз Танзанияга учиб кетди ва 14 фарзанднинг онаси бўлди, деб хабар беради Daily Mail.
2013 йил 18 ёшли Летти Макмастер Африкага кўнгиллилар қаторида 1 ой муддатга борган. Кейинчалик уч йил давомида етимхонадаги болаларни тарбиялаш учун қолган. 2016 йил болалар уйи ёпилганлигини туфайли Летти Иринга шаҳрида хусусий болалар уйини очган ва у ерга 9 нафар болани кўчириб келган.
Летти уларни, шунингдек, Танзания кўчаларида топилган бошқа беш нафар болани ҳам ўз ҳимоясига олган. «Бу болалар менинг бутун ҳаётим. Уларнинг барчасини ўзим боққанман, − дейди 26 ёшли инглиз қиз. – Мен ҳар доим бошпанасиз болаларга ёрдам беришни хоҳлар эдим, шунинг учун бу қароримга оилам ва дўстларим ҳайрон бўлмади. Аммо ўзим бундай бўлади деб ўйламаган эдим».
Леттининг сўзларига кўра, кўплаб асраб олинган болалар уни катта опа сифатида қабул қилади. «Мен уларнинг баъзиларидан унчалик ҳам катта эмасман, − деб тушунтиради у. – Мен ҳам ўспиринларни тарбия қилаётган оналар билан бир хилман. Уларнинг масъулиятини бўйнимга олганман ва шу орқали икки оилали бўлиш бахтига муяссар бўлдим».
Меҳрибонлик уйларида болалар ёмон шароитда яшаётганлари аниқлангандан сўнг британиялик қиз Танзаниядаги болалар уйларига ёрдам беришга қарор қилди. Унинг сўзларига кўра, кўплаб меҳрибонлик уйлари болалардан ишчи кучи сифатида фойдаланади ва пулларни ўзлаштиради.
Изоҳ (0)