Иштаҳаочар картошкали пирог тайёрлаймиз

Талаб қилинадиган маҳсулотлар ҳамда тайёрланиш услуби оддийгина. Аммо таъми оғизда эрийди. Егулик 1 соат 20 дақиқа давомида тайёрланади.

Керакли маҳсулотлар:

• Тухум – 2 дона;
• Сметана – 125 грамм;
• Майонез – 250 грамм;
• Истеъмол содаси – ½ чой қошиқ;
• Ун – 130-160 грамм;
• Пиёз – 1-2 дона;
• Картошка – 500 грамм;
• Ўсимлик ёғи – 1 ош қошиқ;
• Сариёғ – 1-2 ош қошиқ;
• Туз ва зираворлар.

1. Тухум, сематана, майонез, ичимлик содасига бир чимдим туз солиб, яхшилаб аралаштирилади.
2. Оз-оздан ун солиниб, хамир қорилади. Хамир сметана каби қуюқ кўринишда бўлиши керак.
3. Пиёз майда тўғралиб, сариёғда 4-5 дақиқа қовурилади.
4. Пиёз совигандан сўнг сомонча шаклида тўғралган картошка аралаштирилади ва туз, зираворлар сепилади.
5. Қолип ёғланиб, хамирнинг бир бўлаги унинг ичига жойлаштирилади. Тайёр бўлган «начинка» хамир устига жойлаштирилади. Устки қисми хамирнинг қолган бўлаги билан ёпилади.
6. Печда 180 даражада 1 соат давомида пиширилади. Пирог дидга кўра безатилиб, дастурхонга тортилади.