Фарғона вилоятида Damas русумли автомашина ҳайдовчиси бошқарувни йўқотиши оқибатида каналга тушиб кетди, дея хабар бермоқда ФВВ.
Маълум қилинишича, 2020 йил 20 октябрь куни Катта Фарғона канали бўйлаб автомагистралда ҳаракатланаётган, Наманган вилояти, Учқўрғон туманида яшовчи фуқаро Damas русумли автомобилида бошқарувни йўқотган. Оқибатда сув ҳавзасига тушиб кетган.
Ҳайдовчи чўкаётган автомашинадан хавфсиз равишда чиқиб кетишга муваффақ бўлган ва Фавқулодда вазиятлар вазирлигининг вилоят бошқармаси ходимларини чақирган.
Воқеа жойига етиб келган қутқарувчилар махсус техника ёрдамида автомобилни қирғоққа олиб чиққан.
Аввалроқ Самарқандда Epica каналга, Malibu эса зовурга тушиб кетгани ҳақида хабар берилганди.
Изоҳ (0)