Калифорнияда Tesla Модель 3 ҳайдовчиси полиция таъқибидан қочишга уриниб, бошқарувни йўқотди ва катта тезликда хусусий уйлардан бирининг гаражига келиб урилди, деб хабар беради Motor.
Маълум қилинишича, эркак машинани бошқараётиб, полициячиларнинг кўз ўнгида хавф туғдирадиган ҳаракатни амалга оширганидан сўнг таъқибга учраган. Жарима тўлашни истамаган ҳайдовчи ўзининг электрокарида ҳуқуқ-тартибот ходимларидан қочишга уринган.
Бироқ у Tesla’ни бошқара олмай қолган — қайсидир онда эркак аввалига машинанинг орқа қисми билан фонар симёғочига урилган, кейин эса катта тезликда йўл четидаги уйлардан бирининг гаражига «учиб кириб», уни тўлиқ яксон қилган.
Ҳайдовчи полициячиларни кутиб ўтирмасдан, авария жойидан яширинган. Полиция ходимлари қочоқни «иссиқ изидан» топишга уринган, бироқ қоидабузар эртаси кунигина қўлга олинган. Ҳайдовчи воқеа жойидан қочаётганида машина ичидаги йўловчини ташлаб кетган. Енгил жароҳат олган йўловчи шифохонага етказилган.
Аввалроқ Шимолий Каролина штатида автопилотда ҳаракатланаётган Tesla Модель S иккита полиция автомобили билан тўқнашув содир этгани, шунингдек, Tesla Модель 3’нинг рули ҳаракат вақтида узилиб тушгани, Хитойда Tesla автопилоти соатига 127 километр тезликда ҳаракатланиб, ЙТҲга учрагани тўғрисида хабар берилганди.
Изоҳ (0)