80 ёшли америкалик Жон Клауэр Ferrari F40 автомобилига эгалик қилиш борасидаги ҳиссиётлари билан бўлишди. Эркакнинг сўзларига кўра, ёши ўтиб қолганига қарамай, у ҳар куни 478 от кучига эга суперкарини ҳайдаб келмоқда, деб хабар беради Motor.
Жон Клауэр узоқ йиллик коллексионер ҳисобланади. Умрининг 80 йили давомида эркак қарийб 20 га яқин суперкарларга эгалик қилган бўлиб, улар орасида Ferrari’нинг 15 модели, Lamborghini Aventador, шунингдек, McLaren 675 LT мавжуд. Бироқ унинг айтишича, Aventador эркак учун жуда кенглик қилган, McLaren’дан эса дам олиш кунлари фойдаланади.
Америкалик нафақахўр ўз ҳаётини Италиянинг Маранелло шаҳрида ишлаб чиқарилган автомобиллар маркаси билан боғлаган. Айни вақтда эркак қизил рангли афсонавий Ferrari F40’ни ҳар куни ҳайдаб, роҳатланади. Жоннинг таъкидлашича, тарихдаги энг машҳур суперкарлардан бирининг шарофати билан уни мутлақо ижобий ҳиссиётлар қамраб олади ва ёшига қарамай доимо руҳан тетик.
Ferrari F40 1987 йилдан 1992 йилга қадар ишлаб чиқарилган. Суперкарга 478 от кучига эга 2,9 литрли V8 двигатели ўрнатилган. Агрегат беш поғонали механик узатмалар қутиси ёрдамида ишлайди. Купе соатига 100 километр соатга 4,1 сонияда эришади. Максимал тезлиги — 324 соат/км.
Аввалроқ Норвегияда Генри Ҳаррфельдт исмли эркак 78 ёшга тўлиши муносабати билан 2018 йилги McLaren 720С Spider родстерини харид қилгани тўғрисида хабар берилганди.
Изоҳ (0)