Самарқандда ис газидан заҳарланиш оқибатида ёш эр-хотин вафот этди, дея хабар бермоқда «Xabar.uz».
Фожиа Самарқанд вилоятининг Пахтачи тумани «Истиқлол» маҳалла фуқаролари йиғинидаги хонадонларнинг бирида юз бергани айтилмоқда.
Қайд этилишича, яшаш уйи ётоқхонасига ўрнатилган қўлбола усулда ясалган иситиш печидан сизиб чиққан табиий газ 26 яшар эркак ва унинг 23 ёшли хотинининг бевақт ўлимига сабаб бўлган. Уларнинг вояга етмаган фарзандлари бор-йўқлиги ҳақида маълумот келтирилмаган.
Ҳодиса юзасидан ҳуқуқни муҳофаза қилувчи органлар ҳозирча муносабат билдирмади.
Аввалроқ ФВВ Ўзбекистонда ўтган куз-қиш мавсумида 73 киши ис газидан заҳарланиш оқибатида вафот этгани ҳақида маълум қилганди.
Изоҳ (0)