Samarqandda is gazidan zaharlanish oqibatida yosh er-xotin vafot etdi, deya xabar bermoqda “Xabar.uz”.
Fojia Samarqand viloyatining Paxtachi tumani “Istiqlol” mahalla fuqarolari yig‘inidagi xonadonlarning birida yuz bergani aytilmoqda.
Qayd etilishicha, yashash uyi yotoqxonasiga o‘rnatilgan qo‘lbola usulda yasalgan isitish pechidan sizib chiqqan tabiiy gaz 26 yashar erkak va uning 23 yoshli xotinining bevaqt o‘limiga sabab bo‘lgan. Ularning voyaga yetmagan farzandlari bor-yo‘qligi haqida ma’lumot keltirilmagan.
Hodisa yuzasidan huquqni muhofaza qiluvchi organlar hozircha munosabat bildirmadi.
Avvalroq FVV O‘zbekistonda o‘tgan kuz-qish mavsumida 73 kishi is gazidan zaharlanish oqibatida vafot etgani haqida ma’lum qilgandi.
Izoh (0)