Ҳиндистоннинг Махараштра штати, Сатпати қишлоғи фуқароси Нитин Патил узунлиги 15 сантиметрга яқин бўлган акула боласини овлади. Тутилган балиқ кам учрайдиган — икки бошли бўлган, деб ёзади «Korrespondent.net».
Маълум қилинишича, балиқчи акулани суратга олганидан кейин денгизга қўйиб юборган. Патил суратга олган кадрларга қараб мутахассислар балиқнинг кам учрайдиган аномалияга эгалигини таъкидлаган.
Икки бошли акула Ҳиндистонда кам учраши ҳақида маълумот берган биолог Ахилеш мазкур балиқ ё сариқ қиррабурун (Scoliodon), ё бўлмаса узун тумшуқли (Rhizoprionodon) акуланинг эмбриони бўлиши кераклигини тахмин қилган.
Бундан аввал боши иккита бўлган узун тумшуқли акула 1964 йил Гужаротда, икки бошли сариқ қиррабурун акула эса 19 йил аввал, яъни 2001 йилда Карнатакада тутилган, дейилади хабарда.
Изоҳ (0)