Актёр Маколей Калкин яқиндагина 40 ёшга тўлганлигини нишонлади. Афтидан, актёр ушбу ёшини фарзандли бўлиш учун маъқул деб ўйлаган кўринади. Шунингдек, у Бренда Сонг билан шахсий муносабатлари ҳақида ҳам аввалроқ айтиб ўтганди.
«Уйда ёлғиз» фильмининг юлдузи чиндан ҳам ота бўлишга тайёргарлик кўраётганини у мушукни болалар аравачасида кўчага олиб чиққанидан ҳам пайқаш мумкин. Унинг севгилиси кучукни бўйинбоғ воситасида сайр қилдирмоқда. Бунинг ҳайратланарли жойи йўқ. Аммо актёр мушук солинган аравачани қандайдир бошқача туйғу билан етаклаб кетмоқда. Бундан ташқари, у эгнига «Ҳиссий қўллаб-қувватловчи инсон» ёзуви туширилган футболка ҳам кийиб олган.
Изоҳ (0)