Ўлим тўшагидаги она сўнгги орзусига эришди: у ўғлининг никоҳ маросимига келди

Ўлим тўшагида ётган Сингапур фуқароси сўнгги истагини амалга оширди ва ўғлининг никоҳ тўйига келди, деб хабар беради АsiaOne.

2020 йилнинг июль ойида 71 ёшли Нг Юет Хауга ошқозон ости бези саратонининг 4-босқич ташхиси қўйилди. Шифокорлар беморнинг аҳволи оғирлиги туфайли яна қанча яшаши мумкинлигини очиқ айтмади. Аммо беморнинг бир орзуси бор: у 35 ёшли ўғли Чиа Фу Юннинг 2020 йил 10 октябрда бўлиб ўтадиган никоҳ маросимида қатнашиш эди.

https://www.facebook.com/114783613401327/photos/a.133773201502368/208289154050772/?тйпе=3

Хау бор кучи билан соғайишга ҳаракат қилди, аммо тўйга икки ҳафта қолганда унинг аҳволи оғирлаша бошлади. Шунга қарамай, заифлашган онани хайрия ташкилотининг вакиллари давоси йўқ беморнинг сўнгги истакларини амалга оширган ҳолда белгиланган санада уни маросимга олиб келди. Хау ўта кучли оғриқ туфайли атиги 10 дақиқа ўтиришга муваффақ бўлди.

https://www.facebook.com/114783613401327/photos/a.133773201502368/208289054050782/?тйпе=3

«Хау хоним гапиришга қийналди, аммо у хурсандлигидан ҳамшира ва кўнгиллиларга пичирлай олди», − дейди ташкилот вакили.

Чиа Фу Юн хайрихоҳларга кўз ёшлари билан миннатдорлик билдирди ва тўйи куни онасининг қилган табассуми унинг хотирасида абадий сақланиб қолишини таъкидлади.