«Манчестер Юнайтед» ярим ҳимоячиси Бруну Фернандеш фаолиятини Испания чемпионатида давом эттириши мумкин, деб ёзмоқда The Sun.
Манбанинг хабарига кўра, футболчига «Реал» ва «Барселона» клублари томонидан қизиқиш билдирилмоқда.
Аввалроқ Фернандеш ва «Манчестер Юнайтед» бош мураббийи Оле-Гуннар Сульшер ўртасидаги муносабатлар бузилгани айтилганди. Испан грандлари эса ушбу вазиятни кузатмоқда ва ярим ҳимоячи учун курашга қўшилишга тайёр.
Эслатиб ўтамиз, сентябрь ойида Бруну Фернандеш мухлислар эътирофига кўра «Манчестер Юнайтед»нинг 2019/20 йилги мавсумдаги энг яхши футболчиси деб тан олинганди.
Маълумот учун, португалиялик футболчи 2020 йилнинг январь ойида «Спортинг»дан «Манчестер Юнайтед»га 55 миллион евро эвазига кўчиб ўтган. Футболчининг «қизил иблислар» билан шартномаси 2025 йилгача амал қилади. Transfermarkt портали унинг трансфер қийматини 70 миллион еврога баҳоламоқда.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)