“Manchester Yunayted” yarim himoyachisi Brunu Fernandesh faoliyatini Ispaniya chempionatida davom ettirishi mumkin, deb yozmoqda The Sun.
Manbaning xabariga ko‘ra, futbolchiga “Real” va “Barselona” klublari tomonidan qiziqish bildirilmoqda.
Avvalroq Fernandesh va “Manchester Yunayted” bosh murabbiyi Ole-Gunnar Sulsher o‘rtasidagi munosabatlar buzilgani aytilgandi. Ispan grandlari esa ushbu vaziyatni kuzatmoqda va yarim himoyachi uchun kurashga qo‘shilishga tayyor.
Eslatib o‘tamiz, sentabr oyida Brunu Fernandesh muxlislar e’tirofiga ko‘ra “Manchester Yunayted”ning 2019/20-yilgi mavsumdagi eng yaxshi futbolchisi deb tan olingandi.
Ma’lumot uchun, portugaliyalik futbolchi 2020-yilning yanvar oyida “Sporting”dan “Manchester Yunayted”ga 55 million yevro evaziga ko‘chib o‘tgan. Futbolchining “qizil iblislar” bilan shartnomasi 2025-yilgacha amal qiladi. Transfermarkt portali uning transfer qiymatini 70 million yevroga baholamoqda.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)