Хоакин Бакли ижросидаги супер нокаут Конор Макрегорнинг рекордларини янгилади

UFC президенти Дэйна Уайт UFC Fight Night 179 мусобақасида қайд этилган Хоакин Бакли ижросидаги нокаут ҳақида гапирди.

«Баклининг нокаути айни пайтга келиб Twitter’да 60 миллион марта кўрилди. Бу UFC тарихидаги энг кўп кўрилган видео ҳисобланади. Унга энг яқини — Конор Макгрегор ижросидаги нокаут, у 7,1 миллион марта кўрилган.

Шунингдек, Бакли ретвитлар (Twitter’да хабар билан бўлишиш) сони бўйича ҳам рекорд ўрнатди. Унинг нокаути 150 минг ретвит йиғди. Унга энг яқин твит (Конор Макгрегорнинг нокаути) 27 мингта ретвит йиққан», — дейди Уайт.

10 октябрь куни Хоакин Бакли (11-3) оёқ билан ақл бовар қилмас зарба берган ҳолда Импа Касанганайни (8-1) нокаутга учратганди.