Бельгия ҳукумати коронавирус билан касалланиш ҳолатларининг ортишини тўхтатиш мақсадида карантин чораларини кучайтиришга қарор қилди, деб хабар беради The Brussels Times.
Маълумотларга кўра, Бельгия бош вазири Александер Де Кроо ҳукуматнинг фавқулодда ўтказган йиғилиши якунида 19 октябрдан бошлаб мамлакатда комендантлик соати жорий этилишини маълум қилган. Бунда мамлакат аҳолисига тунги 00:00 дан эрталабки 05:00 га қадар кўчага чиқиш тақиқланади.
Бундан ташқари, 19 октябрдан масофадан туриб ишлаш мажбурий этиб белгиланади (буни амалга оширишнинг имкони бўлмаган ташкилотларга истисно мавжуд).
«Қолган барча эҳтиёт чораларини кўриши шарт», — дея таъкидлайди бош вазир.
Бельгия ҳукумати, шунингдек, уч кишигача берилган «яқин алоқалар» қарорини бир кишигача қисқартирган. Шу билан бирга, бельгияликлар тўрт кишидан ортиқ бўлмаган одамларни ўз уйларига таклиф қилиши мумкин, бунда улар сўнгги икки ҳафтадаги меҳмонлар бўлиши керак.
Мамлакатдаги барча ёпиқ жамоат жойлари ва транспорт воситаларида ниқобда юриш режими мажбурий амалда. Ижтимоий масофаланишга риоя қилишнинг имкони бўлмаган кўчаларда ниқобда юриш мажбурий.
Сўнгги икки ҳафта ичида Бельгияда коронавирус билан касалланиш бўйича янги ҳолатлар 182 фоизга ортган. Пандемия бошланганидан буён мамлакатда 190 мингдан ортиқ одам COVID-19 билан касалланган бўлиб, бу мамлакат аҳолисининг 10 фоизидан ортиқ демак. Ҳозирга қадар 10 327 киши вирус қурбонига айланган.
Аввалроқ Франциянинг бир нечта шаҳарларида коронавирус туфайли комендантлик соати жорий қилингани тўғрисида хабар берилганди.
Изоҳ (0)