17 октябрга ўтар кечаси Арманистон қуролли кучлари томонидан Ганжа шаҳрига берилган ракета зарбалари оқибатида 12 киши ҳалок бўлди, 40 дан ортиқ одам жароҳат олди. Бу ҳақда Озарбайжон Бош прокуратурасига таяниб, «Интерфакс» хабар берди.
Озарбайжон президенти администрациясининг ташқи сиёсий масалалар бўйича бўлими мудири Ҳикмат Гажиев ўзининг Twitter’даги саҳифасида ҳужум оқибатида ҳалок бўлганлар ўндан ортиқ эканлигини билдирган.
Аввалроқ Боку Арманистон қуролли кучлари Ганжа ва Мингечевир шаҳарларига ракета зарбаларини амалга оширганини маълум қилганди. Ганжа шаҳрига иккита ракета келиб тушган, иккиси ҳам аҳоли яшайдиган даҳаларга. Жами 20 та уйга шикаст етган, бешта уй бутунлай яксон бўлган. Айни вақтда қутқарув-қидирув ишлари давом этмоқда. Мингечевир шаҳри томон отилган ракетани эса Озарбайжон ҳаво ҳужумидан мудофаа комплекслари тутиб қолган.
Гажиевнинг ёзишича, Ганжа шаҳрига амалга оширилган зарба «Элбрус» (Scud) тезкор-тактик ракета комплекслари томонидан учирилган. Унинг сўзларига кўра, бу каби хулоса снаряд тушган жойдан топилган ракета қолдиқларидан сўнг чиқарилган.
Арманистон Мудофаа вазирлиги Бокунинг ушбу баёнотини рад этган.
«Арманистон ҳудудидан ёки Арманистон қуролли кучлари томонидан Озарбайжон томонга ҳеч қандай ўт очиш амалга оширилмади», — деб ёзади Арманистон Мудофаа вазирлиги матбуот котиби Шушан Степанян.
Мавзуга доир:
Изоҳ (0)