Belgiya hukumati koronavirus bilan kasallanish holatlarining ortishini to‘xtatish maqsadida karantin choralarini kuchaytirishga qaror qildi, deb xabar beradi The Brussels Times.
Ma’lumotlarga ko‘ra, Belgiya bosh vaziri Aleksander De Kroo hukumatning favqulodda o‘tkazgan yig‘ilishi yakunida 19-oktabrdan boshlab mamlakatda komendantlik soati joriy etilishini ma’lum qilgan. Bunda mamlakat aholisiga tungi 00:00 dan ertalabki 05:00 ga qadar ko‘chaga chiqish taqiqlanadi.
Bundan tashqari, 19-oktabrdan masofadan turib ishlash majburiy etib belgilanadi (buni amalga oshirishning imkoni bo‘lmagan tashkilotlarga istisno mavjud).
“Qolgan barcha ehtiyot choralarini ko‘rishi shart”, — deya ta’kidlaydi bosh vazir.
Belgiya hukumati, shuningdek, uch kishigacha berilgan “yaqin aloqalar” qarorini bir kishigacha qisqartirgan. Shu bilan birga, belgiyaliklar to‘rt kishidan ortiq bo‘lmagan odamlarni o‘z uylariga taklif qilishi mumkin, bunda ular so‘nggi ikki haftadagi mehmonlar bo‘lishi kerak.
Mamlakatdagi barcha yopiq jamoat joylari va transport vositalarida niqobda yurish rejimi majburiy amalda. Ijtimoiy masofalanishga rioya qilishning imkoni bo‘lmagan ko‘chalarda niqobda yurish majburiy.
So‘nggi ikki hafta ichida Belgiyada koronavirus bilan kasallanish bo‘yicha yangi holatlar 182 foizga ortgan. Pandemiya boshlanganidan buyon mamlakatda 190 mingdan ortiq odam COVID-19 bilan kasallangan bo‘lib, bu mamlakat aholisining 10 foizidan ortiq demak. Hozirga qadar 10 327 kishi virus qurboniga aylangan.
Avvalroq Fransiyaning bir nechta shaharlarida koronavirus tufayli komendantlik soati joriy qilingani to‘g‘risida xabar berilgandi.
Izoh (0)