Наманган вилоятининг Чортоқ туманида эр алимент пулларини тўламаслик учун ўз хотинини бўғиб ўлдирди. Бу ҳақда «Севимли» телеканалининг «Замон» информацион дастурида маълум қилинди.
Маълумотларга кўра, эр отасининг уйига кетиб қолган хотини билан гаплашиб олиш учун кўчага чақириб, одамлар кам бўлган сой бўйидаги дарахтзорга бошлаб борган. Айнан шу ерда эркак аёлнинг бўйин қисмини қўллари билан бўғиб, уни ўлдиради. Шундан сўнг у ўз айбини бўйнига олиб, ИИБга мурожаат қилган.
Судланувчининг онаси сўзларига кўра, фарзанди шаръий никоҳ асосида, ота-она розилигисиз оила қуриб олган ва узоқ йиллар алоҳида яшаб келган. Аёл ўғли келини билан яшаб келаётган ҳолатда бир нафар ўғил фарзандига нима сабабдан алимент ундиришга уринганини ҳамон тушунмаётганини билдирган.
Тергов-суриштирув ишларидан маълум бўлишича, эркак турмуш ўртоғига салкам 23 миллион сўм алимент пулларини тўлаши керак бўлган.
Жиноят ишлари бўйича Наманган вилояти судида эркак содир этган жинояти учун Жиноят кодексининг 97-моддаси 2-қисми «и» банди (қасддан одам ўлдириш) билан айбдор деб топиб, 17 йилга озодликдан маҳрум этилди.
Аввалроқ Самарқандда алимент тўламагани учун вақтинча қамоққа олинган 34 ёшли эркак ҳибсхонада тутқаноғи тутиб вафот этгани тўғрисида хабар берилганди.
Изоҳ (0)