2020 йилнинг 16–29 сентябрь кунлари меҳнат миграцияси соҳасида бир қатор масалалар юзасидан музокаралар ўтказиш ва аниқ келишувларга эришиш мақсадида Ўзбекистон делегацияси Россияда бўлиб қайтган эди.
Ташқи меҳнат миграцияси агентлиги маълум қилишича, ташриф доирасида Россиянинг йирик иш берувчи компаниялари билан ҳам учрашувлар ўтказилиб, Ўзбекистон фуқароларини ушбу корхоналарга ишга жалб қилиш бўйича қатор келишувларга эришилган.
Ушбу келишувлар доирасида «Газпром» компаниясининг Амур вилоятидаги газни қайта ишлаш заводи атрофидаги қатор қурилишларда ишлаш учун 231 нафар фуқаро Навоий халқаро аэропортидан чартер рейс орқали жўнаб кетди.
Таъкидланишича, уларнинг транспорт, овқатланиш, патент ва яшаш харажатлари, агарда ишчи коронавирус билан касалланса, унинг даволаниши иш берувчи компаниялар томонидан таъминланиши белгиланган.
Аввалроқ Россиянинг айни вилоятидаги қурилишда ишлаш учун 346 нафар ўзбекистонлик жўнаб кетгани хабар қилинганди.
Мавзуга доир:
Изоҳ (0)