Adliya vazirligining “Huquqiy axborot” Telegram kanalida hech qayerda ishlamaydigan shaxslarning qancha aliment to‘lashi haqida ma’lumot berildi.
Unga ko‘ra, agar aliment to‘lovchi ishlamaydigan bo‘lsa yoki uning ish haqi va (yoki) daromadini tasdiqlovchi hujjatlar taqdim qilinmagan bo‘lsa, aliment qarzi undirilayotgan vaqtda aliment O‘zbekistondagi o‘rtacha oylik ish haqi miqdori bo‘yicha hisoblab chiqiladi.
Agar qarzni bunday belgilash taraflardan birining manfaatlariga jiddiy putur yetkazsa, manfaatlariga putur yetkazilgan taraf sudga murojaat qilishga haqlidir.
Sud taraflarning moddiy va oilaviy ahvolini hamda boshqa e’tiborga loyiq holatlarni inobatga olib, qarzning pul bilan to‘lanadigan qat’iy summasini belgilashi mumkin.
Avval MIB Toshkent shahrida 126 million so‘mlik hamda 110 million so‘mlik, Farg‘onada karantin sharoitida 38 million so‘mlik va Namanganda 40 million so‘mlik aliment pullarini undirib bergani xabar berilgan edi.