Bugun,

  • USD 11095.31
  • RUB 173.84
  • EUR 10772.44

Samarqand viloyati Qo‘shrabot tumanida aliment to‘lamagani uchun suddan yashirinib yurgan, qidiruvga berilgan va topilganidan keyin tuman IIB hibsxonasiga tashlangan 34 yoshli erkak kutilmaganda vafot etdi. Bu haqda “Daryo”ga Bosh prokuratura axborot xizmati ma’lum qilgan.

Foto: “Daryo”

Foto: “Daryo”

Xabarda qayd etilishicha, dastlabki to‘plangan hujjatlarga ko‘ra, Jinoyat kodeksining 122-moddasi 1-qismida (Voyaga yetmagan yoki mehnatga layoqatsiz shaxslarni moddiy ta’minlashdan bo‘yin tovlash) nazarda tutilgan jinoyatni sodir qilganligi uchun Jinoyat ishlari bo‘yicha Qo‘shrabot tuman sudida O.N.ga nisbatan bo‘lgan jinoyat ishi sud jarayonida ko‘rilishida O.N. suddan yashiringanligi sababli sud ajrimi bilan 2020-yil 13-may kuni unga nisbatan qidiruv e’lon qilingan va O.N. 2020-yil 2-iyulda ushlanib, tuman IIBning vaqtincha saqlash hibsxonasiga joylashtirilgan. 4-iyulda soat 21:00 lar atrofida to‘satdan vafot etgan.

Marhum O.N. 4-iyul kuni soat 10:00 larda ko‘zlariga turli narsalar — ilon, chayonlar ko‘rinayotganini aytib, hibsxona xodimiga shikoyat qilgan. Shundan so‘ng tuman tibbiyot birlashmasi psixiatr-narkologi U.Abduvohidov hibsxonaga chaqirilgan. U bemorga surunkali alkogolizm, abstinek sindromi tashxisini qo‘yib, 2 mahal “Galopril” tabletkasini berishni tavsiya qilgan.

O.N. hibsda saqlanayotgan hujra kuzatuv kameralari videoyozuvlari ko‘zdan kechirilganida ham bemorda talvasa kuzatilgani ma’lum bo‘lgan. O.N.ning yaqin qarindoshlari ham unda oldindan tutqanoq kasalligi bo‘lgani, u avval tez-tez bu kabi talvasa holatlarida bo‘lganini bildirgan. Murda mutaxassis ishtirokida tekshirilganida ham tananing tashqi tarafida tan jarohatlari aniqlanmagan.

O.N.ning murdasi sud tibbiyot ekspertizasi tekshiruvidan o‘tkazilganida o‘limga o‘tkir o‘pka va bosh miya shishi sabab bo‘lgani aniqlangan.

Eslatib o‘tamiz, 2020-yil 13-iyunda Andijonda qiynoqqa solingan fuqaro vafoti sabab 3 nafar IIB xodimi hibsga olingan, voqea 30-mayda Andijon shahar Salohiyat ko‘chasida yashovchi fuqaro A.A. tan jarohatlari bilan kasalxonaga olib kelinishidan boshlangan. Fuqaro 11-iyunda vafot etgan. 14-iyun kuni Andijon viloyati Andijon shahar bo‘yicha ichki ishlar organlari (IIO) faoliyatini muvofiqlashtirish boshqarmasi (FMB) boshlig‘i podpolkovnik Sodiq Usmonov mazkur voqea sabab ishdan olindi. Keyinroq IIBda besh kishi ishdan olingani va 19 kishi jazolangani ma’lum qilindi. Bosh prokuratura ayni ish doirasida olib borilayotgan tergov harakatlari davomida 27-iyun kuni jinoyatga aloqador deb topilgan yana ikki kishi — 4-sonli IIB boshlig‘i podpolkovnik P.Mamajonov hamda mazkur bo‘lim jinoyat-qidiruv guruhining yana bir tezkor vakili ham qamoqqa olinganini ma’lum qilgan.

Inson huquqlari bo‘yicha milliy markaz direktori Akmal Saidov Oliy Majlisning Inson huquqlari bo‘yicha vakili Ombudsmanning mintaqaviy vakiliga nisbatan tanqidiy fikrlar bildirgan. Ombudsman o‘z navbatida Akmal Saidovning tanqidiga javob qaytargan. Keyinchalik IIV matbuot kotibi Andijonda IIB xodimlari qiynoqlaridan vafot etgan fuqaro ishi yuzasidan uzr so‘ragan.

Izoh
Asosiy yangiliklar
Mahalliy
“Aholiga yo‘naltirish uchun qurilish materiallari ishlab chiqaruvchi korxonalarga tabiiy gaz yetkazilishi to‘xtatilgan” — “Hududgazta’minot” rahbari
Sport
Krishtianu Ronaldu JCH—2022 vaqtida Portugaliya terma jamoasi bazasini tark etmoqchi bo‘lgan
Salomatlik
Bayramgacha tezda vazn yo‘qotamiz: parhezshunosdan maslahatlar