Халқаро пресс-клуб раиси Шерзод Қудратхўжаев 14 октябрь куни Сирдарё вилоятидан ташкил этилган кўрсатув давомида Сардоба сув омбори тақдири ҳақида маълумот бериб ўтди, дея хабар бермоқда «Xabar.uz».
«Қишлоқ хўжалиги ривожланиши учун Сардоба сув омборининг ўрни беқиёс. Сув бўлмаса, ҳаёт ҳам бўлмайди. Сардобанинг Сирдарё ва Жиззах вилоятлари учун аҳамияти жуда катта.Аввалроқ Шавкат Мирзиёев Сирдарё вилоятига ташриф буюргани ҳақида хабар берилганди. Ташриф давомида Президент Сардоба фожиасидан зарар кўрган пахта даласида бўлиб, ҳосилни кўздан кечирди ҳамда у ердаги янги корхона ва уйларга ташриф буюрди.Аммо Президентимиз айтганидек, барчасини аввал етти ўлчаб, кейин бир марта кесишимиз керак. Айни вақтда хориждан келган экспертлар Сардоба сув омбори ҳолатини ўрганиш бўйича иш олиб бормоқда. Таъмирлаш, тиклаш ва фойдаланиш ишлари халқаро мутахассислар билан биргаликда ҳал қилинади.
Бу борада Қозоғистон томонига ҳам миннатдорчилик билдириб ўтишимиз керак, қўшниларимиз бизни қўллаб қувватламоқда. Сув омборининг келажаги яқин вақтларда маълум бўлади. Бу бўйича тўғри ечим топилишига ишонамиз.
Сув омборини қайта ишга туширишда ҳамманинг манфаати ҳисобга олинади», — деди Шерзод Қудратхўжаев.
Шунингдек, Президент Оқолтин аҳолиси ва Сардоба фожиасидан жабрланган одамлар билан учрашди.
Изоҳ (0)