O‘zbekiston Prezidenti Shavkat Mirziyoyev Sirdaryo viloyati Sardoba tumanidagi “Sardoba Oqsaroy tekstil” korxonasi faoliyati bilan tanishdi. Bu haqda Prezident matbuot xizmati xabar berdi.

Foto: “Daryo”/Madina Nurman

Qayd etilishicha, “Oqsaroy klaster” mas’uliyati cheklangan jamiyat tarkibidagi mazkur korxona yiliga 3,5 million dollarlik tayyor mato va kiyimlar ishlab chiqarish quvvatiga ega. Mahsulotlarni 100 foiz eksport qilish mo‘ljallangan. Turkiyadan zamonaviy tikuv mashinalari va energiya tejovchi sovitish tizimi keltirib o‘rnatilgan. Loyihaning birinchi bosqichida 500 ta ish o‘rni yaratilgan.

Foto: “Daryo”

Foto: “Daryo”

Foto: “Daryo”

Davlat rahbari bu yerda faoliyat boshlagan xotin-qizlarni yangi uy va ish joylari bilan tabrikladi.

“Fojia yuz bergan kunlari ba’zi odamlarda ertangi kunga ishonch yo‘qolib qolgan edi. Bugun sizlarning ko‘zingizda ishonch uchqunlarini ko‘rib turganimdan xursandman. Ayollar ishlasa, kayfiyati yaxshi bo‘ladi. Ayolning kayfiyati yaxshi bo‘lsa, farzandlarining kayfiyati, tarbiyasi yaxshi bo‘ladi — oilada, jamiyatda muhit o‘zgaradi. Shuning uchun xotin-qizlarga ish o‘rinlarini ko‘paytirishga harakat qilyapmiz”, — dedi Shavkat Mirziyoyev.

Foto: “Daryo”

Foto: “Daryo”

Shu yerda to‘qimachilik mahsulotlari ishlab chiqarishni kengaytirish, yengil sanoatda qo‘shimcha qiymat zanjirini yaratish bo‘yicha loyihalar taqdimoti o‘tkazildi.

Foto: Prezident matbuot xizmati

Foto: Prezident matbuot xizmati

Ta’kidlanishicha, davlat rahbari 15-may kuni Sardoba tumanida bo‘lganida “Do‘stlik” mahallasida yangi uylar qurilishiga tamal toshi qo‘ygan edi. Qisqa vaqtda bu yerda 1480 xonadonli 37 ta turar joy qurib bitkazildi. Prezident Shavkat Mirziyoyev bu galgi tashrifi chog‘ida mazkur zamonaviy mavzeni ko‘zdan kechirdi.

Foto: “Daryo”

Foto: “Daryo”

Foto: Prezident matbuot xizmati

Foto: Prezident matbuot xizmati

Foto: “Daryo”

Foto: “Daryo”

Foto: “Daryo”

Prezident matbuot xizmati xabariga ko‘ra, uylar besh qavatli bo‘lib, ikki va uch xonali kvartiralardan iborat. Turar joylarni qurishda energiya tejovchi materiallardan foydalanilgan. Yangi mavzeda barcha kommunikatsiya tarmoqlari mavjud. Mahalla guzari, bolalar maydonchalari qurilib, hudud obodonlashtirilgan.

Foto: Prezident matbuot xizmati

Foto: “Daryo”

Foto: “Daryo”

Foto: “Daryo”

Xonadonlar tayyor holda toshqindan jabrlangan oilalarga bepul topshiriladi. Oldin mazkur mahallada yashagan Baxtiyor va Qimmatxon Mirzayevlar oilasiga ham uch xonali kvartira ajratilgan. Davlat rahbari ushbu xonadonga kirib, sharoitlarni ko‘zdan kechirdi.

Foto: “Daryo”

Foto: “Daryo”

Foto: “Daryo”

Foto: “Daryo”