Россияда 14 октябрга кўра сўнгги бир сутка ичида коронавирус билан касалланиш бўйича 14 231 та янги ҳолат кузатилди, деб хабар бермоқда Meduza, коронавирусга қарши кураш бўйича тезкор штабга таяниб. Бундан бир кун аввал кунлик касалланиш кўрсаткичи 13 868 нафарни ташкил этганди.
Мамлакатда коронавирус тарқалишни бошлаган март ойидан буён 1 340 409 кишида COVID-19 қайд этилган. Кунлик касалланиш ўсишининг биринчи чўққиси май ойида, иккинчиси сентябрда бошланган. 9 октябрдан буён кун давомида аниқланган янги касалланишлар сони бўйича рекорд ҳар куни янгиланмоқда.
Касалланганлар сонининг кунлик ўсиши бўйича биринчи ўринни Москва (4573), иккинчи ўринни эса Санкт-Петербург эгаллади (602).
13 октябрь куни сутка давомида COVID-19’дан ўлимлар сони рекорд даражага етган. Шу куни 244 киши вафот этган. 14 октябрь куни эрталаб эса тезкор штаб коронавирусга чалинган 239 киши вафот этганини маълум қилган. Эпидемия давридан буён Россияда умумий ҳисобда COVID-19 беморларининг 23 205 нафари вафот этган.
Россияда пандемия бошланганидан буён 1 039 705 киши соғайган. Шу жумладан, ўтган сутка давомида 7920 киши тузалган.
«Роспотребнадзор» маълумотларига кўра, Россияда коронавирусни аниқлаш бўйича 436 та, умумий ҳисобда эса 51,8 миллионга яқин тест ўтказилган.
Изоҳ (0)