Афғонистон жанубидаги Гилманд вилоятида иккита ҳарбий вертолётнинг ўзаро тўқнашуви оқибатида камида 15 киши ҳалок бўлди, деб хабар беради Tolo News.
Маълумотларга кўра, кўнгилсиз ҳодиса вертолётлар махсус операция кучлари ҳарбийларини тушириб, бортга жароҳат олган хавфсизлик хизмати ходимларини чиқарганидан сўнг содир бўлган.
Мамлакат Мудофаа вазирлигининг маълум қилишича, вертолётлар маҳаллий вақт билан соат 01:15 да тўқнашиб кетган ва ҳозирда ҳолат юзасидан тергов ҳаракатлари олиб борилмоқда.
Бу Афғонистонда ҳарбий вертолётлар билан содир бўлаётган биринчи фожиа эмас. Хусусан, 2016 йилда ҳарбий вертолёт ҳалокатга учраши оқибатида уч киши, 2017 йилда бир нафар америкалик, 2018 йилнинг январидаги ҳалокатда беш киши, октябрида эса Фарах вилоятидаги Анор Дара ҳудудида ҳарбий вертолёт қулаб, унинг бортидаги 25 киши ҳалок бўлган эди.
Изоҳ (0)