Бугун,

  • USD 11014.01
  • RUB 191.8
  • EUR 10674.78

Қозоғистон пойтахти Нур-Султонда аҳоли орасида COVID-19 касаллиги тарқалиши ортиб бораётганлиги туфайли 14 октябрдан бошлаб янги чеклов ва карантин чоралари жорий этилди. Бу ҳақда Tengrinews хабар бермоқда.

Фото: «Mgorod.kz»

Фото: «Mgorod.kz»

Маҳаллий ижро этувчи ҳокимият органлари ва уларнинг квази-давлат сектори ходимларининг камида 60 фоизи масофадан туриб ишлашга ўтади. Хусусий ташкилотларга ҳам масофадан ишлашга ўтиш тавсия қилинган. Мамлакат Соғлиқни сақлаш вазирлиги маълумотларига кўра, меҳнат жамоалари инфекциянинг асосий ўчоғига айланган.

Кафе, ресторан, бар ва ошхоналар соат 22:00 дан кечикмасдан ёпилиши керак. Овқатланиш муассасаларининг 30 ўриндан ортиқ бўлмаган миқдорда банд бўлишига рухсат берилди.

Нотариуслар, адвокатлик идоралари, бухгалтерларнинг иш вақти оддий иш кунида ҳам, дам олиш кунларида ҳам соат 18:00 гача деб белгиланди. Маиший хизмат товарлари ва кийим кечак дўконларига фақат душанбадан жумагача, соат 18:00 гача ишлашга рухсат берилади. Якшанба кунлари жамоат транспорти ҳам хизмат кўрсатмайди.

Аввалроқ Қозоғистонга 6 октябрдан бошлаб коронавирус тест таҳлил маълумотномаси бўлмаган чет элликлар киритилмаслиги хабар берилган эди.

Изоҳ
Асосий янгиликлар