Россия июнь ойидаги келишув доирасида 17 июль куни Украинага 1000 нафар аскарнинг жасадини топширди. Бу ҳақда президент ёрдамчиси Владимир Мединский хабар берди.
Мединский Telegram ижтимоий тармоғида ушбу маълумотни эълон қилган.
“Истанбулда эришилган келишувларга асосланиб бугун Киевга яна 1000 нафар украиналик аскарнинг жасади топширилди. Россияга эса 19 нафар ҳалок бўлган аскар қайтарилган”, деб ёзган у.
Асирга олинган аскарларни алмашиш ва жасадларни ватанига қайтариш икки мамлакат ўртасидаги уруш давомида мунтазам равишда амалга оширилмоқда. Лекин бу ҳар доим ҳам мувафаққият билан якунланмаяпти.
АҚШ президенти Дональд Трампнинг босимига қарамай, Россия Украинада ўт очишни тўхтатиш ҳақидаги талабларни рад этган. Июнь ойида бўлиб ўтган музокараларда Россия ўзининг келишув таклифларини тақдим этганди. Унга кўра, Украина кўпроқ ҳудудларини русларга бериб, Ғарбнинг ҳар қандай ҳарбий ёрдамини рад этиши лозим эди. Киев бу таклифларни “номақбул ультиматумлар” деб атаб, уларни қабул қилмаган.
Изоҳ (0)