Қашқадарё вилояти Шаҳрисабз туманида маст ҳолатда машина бошқарган ва ЙПХ инспектори томонидан тўхтатилиб, автомобили жарима майдончасига жойлаштирилган ҳайдовчи машинасини жарима майдончасидан чиқариш учун туман ИИБ ЙҲХБ бошлиғига пора таклиф қилди. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум қилинишича, 2020 йилнинг 3 октябрь куни Қашқадарё вилояти Шаҳрисабз тумани ИИБ ЙҲХБ ЙПХ катта инспектори А.Ҳақбердиев хизмати давомида Matiz автомобили ҳайдовчиси, 1975 йилда туғилган О.Э. автомашинани маст ҳолатда бошқарганлигини аниқлаган ва белгиланган тартибда маъмурий баённома расмийлаштириб, транспорт воситасини вақтинча сақлаш учун жарима майдончасига жойлаштирган.
Фуқаро О.Э. автомашинасини жарима майдончасидан чиқариб бериш эвазига Шаҳрисабз тумани ИИБ ЙҲХБ бошлиғи Ш.Отақуловга 800 минг сўмни пора тариқасида таклиф қилган.
ЙҲХБ бошлиғи Ш.Отақулов ушбу ҳолат юзасидан туман ИИБ бошлиғи номига билдирги орқали мурожаат қилган. Ходимнинг билдиргиси асосида, 5 октябрь куни соат 17:30 да ҳуқуқни муҳофаза қилувчи орган ходимлари ҳамкорлигида ўтказилган тезкор тадбир давомида фуқаро О.Э. пора тариқасида жами бир миллион сўм пулни туман ИИБ ЙҲХБ бошлиғига ушбу туманда жойлашган «Шавкат транс» МЧЖга қарашли жарима майдончасида бераётган вақтида далилий ашё билан ушланган.
Мазкур ҳолат юзасидан терговга қадар текширув ҳаракатлари олиб борилмоқда.
Мавзуга доир:
- Қашқадарёда машинасини жарима майдонидан чиқариш учун ЙПХ ходимига 1 млн сўм пора таклиф қилган фуқаро ушланди
- Тошкент вилоятида ЙПХ ходимига 2 миллион сўм пора бермоқчи бўлган ҳайдовчи қўлга олинди
- Самарқандда ЙПХ ходимига 1,5 млн сўм пора берган ҳайдовчи ушланди
- Жиззахда маст ҳайдовчи ЙПХ ходимининг бодикамерасини олиб, улоқтириб юборди
Изоҳ (0)