Bugun,

  • USD 11095.31
  • RUB 173.84
  • EUR 10772.44

Jizzax viloyati Mirzacho‘l tumanida mast holatdagi haydovchi YPX xodimiga qarshilik ko‘rsatib, uning bodikamerasini uloqtirib yubordi, deb xabar bermoqda YHXBB.

Kadr: Telegram / YHXBB

Kadr: Telegram / YHXBB

Qayd etilishicha, 2020-yil 21-avgust kuni kechki soat 20:00 lar atrofida Mirzacho‘l tumani O‘zbekiston ko‘chasida YTH sodir bo‘lgani xabar qilingan. “VAZ 2121” avtomashinasi bilan Lada 2107 avtomashinasi YTH sodir qilgani aniqlangan.

Inspektorlar har ikki avtomobil haydovchisini spirtli ichimlikda gumon qilib, vrach-narkolog ko‘rigiga olib bormoqchi bo‘lgan. Yo‘lda “VAZ 2121” haydovchisi hojatga chiqishini aytib, mashinani to‘xtatishni so‘ragan.

“Mashinadan tushgan haydovchi vrach-narkolog ko‘rigidan bosh tortib, bizga faol qarshilik ko‘rsata boshladi. Shu orada mening bodikameramni qo‘li bilan yulib olib, uloqtirib yubordi. Shundan keyin qonuniy tartibda biz haydovchini vrach-narkolog ko‘rigiga olib borish uchun tezkor tergov guruhini chaqirdik”, – deydi Mirzacho‘l tumani IIB YHXB inspektori Abror Alimqulov.

Vrach-narkolog ko‘rigidan so‘ng, inspektorlarga qarshilik ko‘rsatgan haydovchi spirtli ichimlikdan mast ekanligi aniqlangan.

Ma’lumot uchun, mast holda transport vositasini boshqarish Ma’muriy javobgarlik kodeksining 131-moddasiga binoan transport vositasini boshqarish huquqidan bir yil-u olti oydan uch yilgacha muddatga mahrum qilish, bazaviy hisoblash miqdorining yigirma besh baravari miqdorida jarima solishga sabab bo‘lishi mumkin.

Izoh
Asosiy yangiliklar
Kino
Ajoyib sujet va yuqori reytingga ega bo‘lsa ham tomoshabinlar e’tiboridan chetda qolgan 2022-yilda chiqqan ajoyib multfilmlar
Mahalliy
Kechikkan sovg‘a: Jizzax viloyati hokimligi 28-mart kuni Xalqaro xotin-qizlar kuniga atab 465 mln so‘mlik tender o‘tkazdi
Mahalliy
O‘zbekistonda dollarning rasmiy kursi oshdi