Qashqadaryo viloyati Shahrisabz tumanida mast holatda mashina boshqargan va YPX inspektori tomonidan to‘xtatilib, avtomobili jarima maydonchasiga joylashtirilgan haydovchi mashinasini jarima maydonchasidan chiqarish uchun tuman IIB YHXB boshlig‘iga pora taklif qildi. Bu haqda Ichki ishlar vazirligi Yo‘l harakati xavfsizligi bosh boshqarmasi xabar berdi.
Ma’lum qilinishicha, 2020-yilning 3-oktabr kuni Qashqadaryo viloyati Shahrisabz tumani IIB YHXB YPX katta inspektori A.Haqberdiyev xizmati davomida Matiz avtomobili haydovchisi, 1975-yilda tug‘ilgan O.E. avtomashinani mast holatda boshqarganligini aniqlagan va belgilangan tartibda ma’muriy bayonnoma rasmiylashtirib, transport vositasini vaqtincha saqlash uchun jarima maydonchasiga joylashtirgan.
Fuqaro O.E. avtomashinasini jarima maydonchasidan chiqarib berish evaziga Shahrisabz tumani IIB YHXB boshlig‘i Sh.Otaqulovga 800 ming so‘mni pora tariqasida taklif qilgan.
YHXB boshlig‘i Sh.Otaqulov ushbu holat yuzasidan tuman IIB boshlig‘i nomiga bildirgi orqali murojaat qilgan. Xodimning bildirgisi asosida, 5-oktabr kuni soat 17:30 da huquqni muhofaza qiluvchi organ xodimlari hamkorligida o‘tkazilgan tezkor tadbir davomida fuqaro O.E. pora tariqasida jami bir million so‘m pulni tuman IIB YHXB boshlig‘iga ushbu tumanda joylashgan “Shavkat trans” MChJga qarashli jarima maydonchasida berayotgan vaqtida daliliy ashyo bilan ushlangan.
Mazkur holat yuzasidan tergovga qadar tekshiruv harakatlari olib borilmoqda.
Mavzuga doir:
- Qashqadaryoda mashinasini jarima maydonidan chiqarish uchun YPX xodimiga 1 mln so‘m pora taklif qilgan fuqaro ushlandi
- Toshkent viloyatida YPX xodimiga 2 million so‘m pora bermoqchi bo‘lgan haydovchi qo‘lga olindi
- Samarqandda YPX xodimiga 1,5 mln so‘m pora bergan haydovchi ushlandi
- Jizzaxda mast haydovchi YPX xodimining bodikamerasini olib, uloqtirib yubordi
Izoh (0)