Париж ва унинг атрофи коронавирус бўйича максимал хавфли ҳудудлар деб эълон қилинади

Франция ҳукумати 5 октябрь, душанба куни Парижда ва унга туташ ҳудудларда коронавирус бўйича максимал хавфни эълон қилади, деб хабар бермоқда «Коммерсантъ». Янги чекловлар ҳақида Париж мэри Анн Идальго иштирокидаги матбуот анжуманида эълон қилиниши кутилмоқда.

AFP маълумотларига кўра, барлар ёпилади, ресторанлар эса санитария чораларига риоя қилган ҳолда ишлаши мумкин. Олийгоҳлар талабаларнинг фақат ярмини қабул қила олади. Чекловлар 15 кун амалда бўлади.

4 октябрь куни Францияда сўнгги суткада 16 972 киши коронавирусга чалиниб, кунлик касалланиш бўйича рекорд янгилангани хабар берилган эди. Мамлакатда эпидемия бошланганидан буён коронавирус аниқланганлар сони 606 625 кишини ташкил қилган.

Аввалроқ Францияда коронавирус билан касалланиш ҳолатлари сони тўрт баравар ошгани ҳақида хабар берилганди. Франция соғлиқни сақлаш вазири Оливье Веран COVID-19 тарқалиши билан боғлиқ вазият ёмонлашаётгани сабабли мамлакат аҳолисини ижтимоий муносабатларни камайтиришга чақирган.

Маълумот учун, пандемия бошидан буён дунё бўйича коронавирусга чалинганлар сони 35 миллион ишидан ошди.