Ўзбекистон Президенти Шавкат Мирзиёев АҚШ Президенти Дональд Трампга мактуб йўллади. Бу ҳақда Президент матбуот хизмати хабар берди.
Ўзбекистон Президенти Дональд Трамп қисқа фурсатларда мазкур вирусни муваффақиятли енгиб ўтиб, шифо топишига ишонч билдирди, унга ва барча оила аъзоларига мустаҳкам сиҳат-саломатлик, хотиржамлик ва куч-қувват тилади.
Америка Қўшма Штатлари ПрезидентиДональд Жон ТрампЖаноби ОлийларигаЭслатиб ўтамиз, АҚШ президенти Дональд Трамп 2 октябрь куни ўзи ва турмуш ўртоғи Мелания Трампда коронавирус аниқланганини маълум қилганди.Сиз ва Мелания Трамп Хоним Олияларининг коронавирусга чалингани тўғрисидаги хабарни чуқур безовталик ва катта хавотир билан қабул қилдим.
Сизларни қисқа фурсатларда мазкур вирусни муваффақиятли енгиб ўтиб, шифо топишингизга, фаровон ҳаётингиз ҳамда масъулиятли давлатчилик фаолиятингизни давом эттиришингизга ишончим комилдир.
Ҳурматли Президент Жаноби Олийлари, ушбу синовли дамларда Сизга ва Мелания Трамп Хоним Олияларига ҳамда барча оила аъзоларингизга мустаҳкам сиҳат-саломатлик, хотиржамлик ва куч-қувват ёр бўлишини тилаб қоламан.
Самимий эҳтиром ила,
Шавкат Мирзиёев,Ўзбекистон Республикаси Президенти
Кейинроқ АҚШ президенти администрациясидаги юқори лавозимли манбага таяниб, CNN телеканали Дональд Трампда COVID-19’нинг кучсиз белгилари кузатилаётгани ва у 2 октябрь куни миллатга мурожаат қилишни режалаштираётгани ҳақида хабар берди.
Маълумот учун, Ўзбекистон Президенти Шавкат Мирзиёев 2020 йилнинг июнь ойида Қозоғистоннинг биринчи президенти – Нурсултон Назарбоевда коронавирус аниқланганда унга мактуб йўллаб, коронавирусдан тезроқ тузалишни тилаганди, кейинроқ Шавкат Мирзиёев Нурсултон Назарбоевга қўнғироқ қилиб, унинг ҳолидан хабар олганди.
Изоҳ (0)