Ўзбекистон олий таълим муассасаларининг бакалавриат босқичига 2020/2021-ўқув йили учун ўтказилган кириш имтиҳонларининг якуний натижалари эълон қилиниб, баъзи таълим йўналишларида абитуриентлар имтиҳон топширилган иккита фан бўйича тўплаш мумкин бўлган энг юқори 189 баллни тўплагани, бироқ улар давлат гранти эмас, балки тўлов-контракт асосида талабаликка тавсия қилингани ҳақида хабар берилганди.
Ҳуқуқшунос ва блогер Хушнудбек Худойбердиев ушбу масалага эътибор қаратиб, абитуриентлар билан қайта ҳисоб-китоб қилиниши кераклигини ёзганди.
Хушнудбек Худойбердиевнинг маълум қилишича, 189 балл олган абитуриентларнинг ўрни қайта кўриб чиқилган ва натижалар ўзгарган.
Блогер ўз каналида натижалари ўзгарган абитуриентларнинг имтиҳон жавоблари акс этган суратларни эълон қилган. Унга кўра, аввал контрактга киргани айтилган абитуриентларнинг натижаси қайта текширганда улар бюджетга киргани ҳақида маълумот турибди.
«189 балл олган абитуриентлар диққатига! Сиз ҳам тезда натижангизни қайта текшириб кўринг. Худо хоҳласа, бюджетга ўтганингизни кўришингиз мумкин», — дея қўшимча қилган блогер.
Изоҳ (0)