O‘zbekiston Prezidenti Shavkat Mirziyoyev AQSh Prezidenti Donald Trampga maktub yo‘lladi. Bu haqda Prezident matbuot xizmati xabar berdi.
O‘zbekiston Prezidenti Donald Tramp qisqa fursatlarda mazkur virusni muvaffaqiyatli yengib o‘tib, shifo topishiga ishonch bildirdi, unga va barcha oila a’zolariga mustahkam sihat-salomatlik, xotirjamlik va kuch-quvvat tiladi.
Amerika Qo‘shma Shtatlari PrezidentiDonald Jon TrampJanobi OliylarigaEslatib o‘tamiz, AQSh prezidenti Donald Tramp 2-oktabr kuni o‘zi va turmush o‘rtog‘i Melaniya Trampda koronavirus aniqlanganini ma’lum qilgandi.Siz va Melaniya Tramp Xonim Oliyalarining koronavirusga chalingani to‘g‘risidagi xabarni chuqur bezovtalik va katta xavotir bilan qabul qildim.
Sizlarni qisqa fursatlarda mazkur virusni muvaffaqiyatli yengib o‘tib, shifo topishingizga, farovon hayotingiz hamda mas’uliyatli davlatchilik faoliyatingizni davom ettirishingizga ishonchim komildir.
Hurmatli Prezident Janobi Oliylari, ushbu sinovli damlarda Sizga va Melaniya Tramp Xonim Oliyalariga hamda barcha oila a’zolaringizga mustahkam sihat-salomatlik, xotirjamlik va kuch-quvvat yor bo‘lishini tilab qolaman.
Samimiy ehtirom ila,
Shavkat Mirziyoyev,O‘zbekiston Respublikasi Prezidenti
Keyinroq AQSh prezidenti administratsiyasidagi yuqori lavozimli manbaga tayanib, CNN telekanali Donald Trampda COVID-19’ning kuchsiz belgilari kuzatilayotgani va u 2-oktabr kuni millatga murojaat qilishni rejalashtirayotgani haqida xabar berdi.
Ma’lumot uchun, O‘zbekiston Prezidenti Shavkat Mirziyoyev 2020-yilning iyun oyida Qozog‘istonning birinchi prezidenti – Nursulton Nazarboyevda koronavirus aniqlanganda unga maktub yo‘llab, koronavirusdan tezroq tuzalishni tilagandi, keyinroq Shavkat Mirziyoyev Nursulton Nazarboyevga qo‘ng‘iroq qilib, uning holidan xabar olgandi.
Izoh (0)