Футбол бўйича Россия Премьер Лигасининг 10-турида «Спартак» 3 октябрь, шанба куни «Зенит»га қарши баҳс олиб борди.
Учрашувнинг биринчи бўлими амалдаги чемпионнинг устунлигида кечди. Танаффусдан кейин москваликлар ҳам фаолликни оширди. «Спартак» рақиб жарима майдони атрофида босимни ошираётган бир вақтда «Зенит» вакиллари ҳисобни очишга муваффақ бўлди. 65-дақиқада ҳимоядан чиқишда хатога йўл қўйган пойтахтликлар ўз дарвозасидан тўп олиб чиқди: Артём Дзюбанинг узатмасини Александр Ерохин голга айлантирди.
Голдан кейин питерликлар маълум вақт давомида вазиятни назорат қилди. Бироқ ўйин якунланиши арафасида «Спартак» яна босимни кучайтирди. Натижада 86-дақиқада Эсекел Понсе ҳисобни тенглаштиришга эришди.
Ўзбекистонлик ярим ҳимоячи Остон Ўрунов мазкур баҳсда асосий таркибда майдонга тушди ва 85-дақиқада захирага олинди.
«Зенит» ва «Спартак» 21 очкодан тўплаган ҳолда мусобақа жадвалида етакчилик қилмоқда. «Қизил-оқлар» кейинги турда «Химки» майдонида меҳмон бўлса, «Зенит» ўз уйида «Сочи»ни қабул қилади.
РПЛ
10-тур баҳси
3 октябрь, шанба
«Спартак» — «Зенит» 1:1
Голлар: 0:1 – 65 Ерохин, 1:1 – 86 Понсе.«Спартак»: Максименко, Жикия, Жиго, Маслов, Айртон, Зобнин, Ўрунов (Ешенко, 85), Крал, Бакаев (Соболев, 53), Ларссон (Маркитесов, 90), Понсе.
«Зенит»: Кержаков, Караваев, Дуглас Сантос, Ловрен, Ракицкий, Оздоев (Сутормин, 90), Ерохин, Мостовой (Азмун, 72), Барриос, Малком (Круговой, 90), Дзюба.
Огоҳлантиришлар: Дуглас Сантос (37), Соболев (59), Барриос (88), Ловрен (89), Ешенко (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)