«Ростов» ҳужумчи Элдор Шомуродовнинг «Женоа»га ўтаётганини тасдиқлади.

Фото: Twitter

Ростов ва Италиянинг «Женоа» клуби ўртасида ҳужумчининг трансфери борасида келишувга эришилди.

Сенга омад тилаймиз, Элдор!

«Ростов» баёноти

Эслатиб ўтамиз, аввалроқ «Женоа» бонуслар билан бирга Шомуродов учун 9 миллион евро тўлаши, шунингдек, донликлар Элдорнинг кейинги трансферларидан тушадиган маблағнинг 15 фоизига эга чиқиши ҳақида хабар берилганди.

Маълумот учун, Элдор ростовликлар сафида 2017 йилдан бери тўп тепиб келади. Мазкур вақт мобайнида у 91 ўйинда майдонга тушиб, 18 та гол урди ва 12 та голли узатма амалга оширди. Унинг «Ростов» билан амалдаги шартномаси 2024 йилгача мўлжалланган.

25 ёшли футболчи «Машъал» академияси тарбияланувчиси ҳисобланиб, «Ростов»дан аввал «Бунёдкор» сафида ҳаракат қилган.

Мавзуга доир:

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!